文欣晴

母親節2012

文欣晴 | 13th May 2012 | 我們的芷晴 | (3 Reads)

晴・今早起床,爸爸去圖書館還書,買早餐回來一齊食,再去樓下小童群益會報名...我同媽媽坐小巴去西鐵站,因為得一個位,爸爸要行路.當我們落小巴時,趕得切上巴士去沙田,但爸爸就...送車尾,唯有坐下一班車啦!媽媽同我上去芭蕾舞學校換衫先,有少少時間多,排隊等上堂.

爸媽接我放學後,去和亭同媽媽食母親節飯,非常豐富滿足,當然仲要聽到我講:母親節快樂,媽媽 I love you!!!媽媽開心到合唔埋ロ,嘻嘻.飯後去一田逛街,陪媽媽買禮物,買多份比婆婆,希望婆婆鍾意啦!

跟住上左珈珈表姐屋企一齊玩煮飯仔,嘩!好大型小食亭喎...媽媽,你想食咩?我整比你食啦!玩到晩上一齊出街食飯,同婆婆慶祝母親節,叔婆也來湊熱鬧.食埋甜品後,一齊去7樓平台玩吹泡泡,其間仲遇見莫雅珵同學.我同表妹跑跑跑,仲新識到小朋友添,希望下次再玩.

留言(0) | 引用(0)

大舅父來請客

文欣晴 | 6th May 2012 | 我們的芷晴 | (3 Reads)

晴・公公話2舅父新居入伙,大舅父來港請我地一家去食入伙飯,今次去三聖食海鮮,嘩!近我地喎...都係屯門區.不過我同珈珈要上完芭蕾舞班,一放學就飛番來屯門食午飯.去到咁多人既?要坐2圍食飯,有瀨尿蝦,聖子,龍蝦刺身,海鮮湯,大蝦,龍蝦粥,大蚌,大扇貝,老鼠斑...太豐富了,無辦法食得晒,最後都要打包拎走.

午飯之後,我地行去利寶找姑媽的新舗看看,順便逛逛街,因為要散歩幫助消化.途中竟然見到爬蟲館,仲見到李sir添...原來這舖係他爸爸的.再去探望姑媽間運動用品舖,爸爸仲幫她訂貨,準備送給飛飛哥哥做生日禮物.

留言(0) | 引用(0)

5歳

文欣晴 | 5th May 2012 | 我們的芷晴 | (2 Reads)

晴・上完芭蕾舞班,開心地拖住珈珈表姐去婆婆屋企,因為姨姨整左個angry bird蛋糕,同我一齊慶祝生日.之後可以同珈珈及表妹一齊玩一陣,跟住各自回家,爸媽同我返嫲嫲屋企.趁仲有d時間,爸媽帶我去冒險樂園玩,爸爸仲玩1次就夾到隻馬騮公仔俾我,勁呀!又夾糖糖,同埋扭蛋...非常滿足!晩上同嫲嫲及大叔一家食飯,再一齊食蛋糕,仲又送我多份禮物,多謝.

留言(0) | 引用(0)

唱k

文欣晴 | 1st May 2012 | 我們的芷晴 | (4 Reads)

晴・諾諾哥哥唔跟飛飛哥哥去謝師宴,所以同我地一齊去街街.爸媽帶我地去荃灣食午飯,天氣麻麻地,間中落起雨來,原本諗住去行山,最後改變去唱k.$89/位,諾諾哥哥要計大人,我就要計小童(半價),但都有2杯飲品.諾諾哥哥唔肯唱歌,不過最終都唱左首名曲,之後就掛住打機.我就鍾意唱打開蚊帳,同幫爸爸做和音(攪攪震).中途爸爸要送諾諾哥哥去撘車,咁早就要走啦?我地未唱完喎...唱完k後,我地等埋翠翠姐姐,跟住一齊去酒樓食晩飯.

留言(0) | 引用(0)

補假

文欣晴 | 30th Apr 2012 | 我們的芷晴

晴・今日媽媽因為補假,而不用上班,所以可以親自接我返學及放學.不過一放學媽媽同我就要飛撲去婆婆屋企,因為婆婆要去睇醫生,叫我來陪表妹一齊玩一會,再接埋珈珈放學,之後我地一齊沖涼,又一齊畫畫,玩到唔捨得走添.

留言(0) | 引用(0)

紅色暴雨

文欣晴 | 29th Apr 2012 | 我們的芷晴 | (1 Reads)

晴・外邊的天氣落大雨呀!爸爸問今日仲洗唔洗上堂呢?媽媽話上次3號風球都話要上堂,8號先唔洗返喎,咁應該黒色暴雨先唔洗返學啦...而且剛剛已除消紅色暴雨,立刻出門吧!準時到達學校,見到姨丈及珈珈話今日芭蕾舞堂除消,原來紅色暴雨係唔洗返,仲要除下2小時後才有堂上.之後同珈珈一齊去圖書館看圖書,爸爸仲借左幾本書添,再上婆婆屋企一齊繼續玩.

留言(0) | 引用(0)

媽媽要返工

文欣晴 | 28th Apr 2012 | 我們的芷晴 | (4 Reads)

晴・今日媽媽一早就已經出門,話要番大陸工作,只剰下我同爸爸兩人在家.爸爸要獨自帶我上芭蕾舞班,過程順利但唔見珈珈表姐上堂.放學後,番去婆婆屋企探下婆婆,不過只見到表妹,等我同妹妹玩一會先.跟住姨丈來接妹妹走,原來姨丈唔知今日有堂上,以為假期休日,唯有下次先補堂吧.晩上約左爸爸d朋友食飯,媽媽都趕回來一齊食,wendy姐姐仲送了一大袋禮物給我,全部都好靚啊!多謝姐姐.

留言(0) | 引用(0)

嫲嫲生日

文欣晴 | 23rd Apr 2012 | 我們的芷晴 | (5 Reads)

晴・今日係嫲嫲生日,所以今晩出街食飯,爸爸放工回來接我回家換靚衫.媽媽幫我攞條靚裙著,我去穿靚鞋,仲攞埋隻白兔公仔出發.去到酒樓可以同飛飛哥哥坐,一齊玩玩具,一齊食野.大叔叫o左套餐,食飽飽後食生日蛋糕,不過要收$50切餅費,諾諾哥哥話一定要食蛋糕,切餅費由他負責喎...$$

留言(0) | 引用(0)

模擬考試

文欣晴 | 22nd Apr 2012 | 我們的芷晴 | (4 Reads)

晴・嫲嫲要去青松觀拜山,好想我地一齊去完先返芭蕾舞班,今日有模擬考試,時間比較緊迫,但都會去一去青松觀.兩個姑姐都送我扭蛋,跟住他們去放風箏,可惜我要考試,無得去添...上完香後,快快閃人,仲唔到姑媽仲走得快過我,原來她趕住去開舖.

去到學校,時間剛剛好,換衫釘號碼牌,分組等入去考試,媽媽2點才回來接我走.放學後,去婆婆屋企,今日係珈珈正日生日,姨姨整左個angry bird蛋糕,一齊去食生日蛋糕.我送左支光之美少女比珈珈,她勁鍾意喎...生日快樂!!!

留言(0) | 引用(0)

shopping day

文欣晴 | 21st Apr 2012 | 我們的芷晴 | (4 Reads)

欣・難得芷晴不用上堂,放低她俾嫲嫲照顧,又有嬸嬸帶路,今日決定北上購物.坐巴士去到深圳灣口岸,諾諾才發現無帶証件,所以他無得去lu~我地大胆嘗試撘巴士去,1蚊人仔就可以撘啦,成功去到商場,又順利去到運動用品店,yeah~~~行到好肚餓,買完野就去食午餐,找到間韓國料理,食食食...yummy~

p.s.好彩有嬸嬸帶路,上到去雞同鴨講,如果唔係都無咁順利,thank you very much.

留言(0) | 引用(0)