|
  
|
晴・今日落雨呀!好野~可以著水鞋同帶傘出街lu,嘩!越落越大添,爸媽只行去附近茶餐廳食野.食飽飽後,就回家休息及陪我玩,媽媽要等姨姨來簽文件,等呀等~等到5點先到,太夜啦...所以無去婆婆屋企,無得同珈珈玩添.
爸爸想去mega box睇傢私,落雨都要照去,但山長水遠去到發覺唔見左間傢私鋪,水牌上寫住家品樓層將會係宜家傢私,而且現在仲裝修中,所以咩都無得睇呀.爸媽唯有去附近扒王快快食晩飯後,再上去兒童天地逛逛.媽媽去shopping,爸爸就陪同我去玩滑梯,我仲玩到成身汗,媽媽都未買完出來既??行到關鋪啦,媽媽先攞住戰利品出來,接我走lu.
晴・一早起床,爸爸同媽媽都一齊叫醒我及梳洗換衫,準備出發去旅行.爸爸好緊張,催我快d,但時間尚早,都照常出門落樓,去學校附近玩玩.行到去飛飛哥哥屋企樓下,已經見到哥哥及嬸嬸剛剛落到來.他們又係早左出門口,仲諗住行來找我,點之...我地快左一歩添.學校都未開門,去公園玩住先,哥哥拖住我玩滑梯,好好玩呀!玩左一陣就返學校,入課室坐回自己位上,等點名報到及出發上車.老師派左3包飲品及一份玩具給我,爸爸幫我袋起,等遲d先同我一齊玩.
出發lu~在車上,老師同我地一齊唱歌仔,好快就到啦!目的地係上水假日農莊,落車來個大合照先.有導賞帶我地遊一圏,之後解散自由活動,第一時間去整創意麵包.原來粉團已準備好,媽媽同我一齊整耳仔及眼仔,黏上軟林林的粉團上,再攞去局15分鐘,再等~同爸媽周圍逛逛,去餵白兔仔食紅蘿蔔.爸爸又帶我玩滑梯,好高呀!好彩爸爸陪我玩姐,驚驚呀!去攞麵包啦~仲未得添...媽媽帶我去找飛飛哥哥.嬸嬸又請我食肉鬆飯團,原來飯團係哥哥整架~好味好味!
麵包出爐啦!爸爸幫我攞回來,新鮮熱辣,又係自己整既,好好味呀!食飽飽後,拖住哥哥去睇牛牛,玩水車踏,再餵白兔,睇羊羊,玩滑梯,玩車車...玩個不停,玩到唔捨得走呀!回程哥哥已經訓着,但我就龍精虎猛.我番到屋企都唔肯休息,但爸媽就倦到死咁制.麻麻來電叫我地去市中心一齊去食晩飯,點之我一上車就訓着左,媽媽又倦又要抱住我...爸爸話趕快食完飯後,逛逛就走lu.
晴・今早同爸媽去飲茶後,見到小童群益會有義賣,入去逛逛,媽媽買左2張奨券,哥哥送我6個捉魚網,可以玩捉金魚,我第一次玩咋,好好玩呀!爸爸同我好努力地捉魚魚,但玩兩玩個網爛既??不過最後都捉到2條,yeah...爸爸好野!再玩啦媽媽,買過再玩啦,好嗎?媽媽唔俾玩啦,因為我地屋企無魚缸,這2條都要攞去送俾飛飛哥哥.
爸爸跟住坐低睇拍賣,仲用底價買左個護脊背囊,真係平靚正!之後將2條魚魚送俾飛飛哥哥,他有小小哮喘,昨晩入過急症,希望他早日康復,可以再同我一齊玩啦.回家梳洗換衫出發去赤柱,靚人靚景,爸媽當然又勁影相,周圍行街街逛逛,最後買埋媽媽至愛的曲奇餅就走lu.
