晴・今日媽媽話同我去學校玩,不過去左睇醫生先,因為我有兩聲咳,時燒又無燒,明天假期無醫生睇,所以今日要睇左醫生先喎.好彩醫生話我喉嚨好靚,無事喎,只是感冒發燒姐.

跟住媽媽帶我去保良局玩,原來係去面試,未到我喎,坐在課室門口等等先.等等下想去尿尿,順便去厠所參觀一下,都幾靚喎~時間剛剛好,到我啦...原來有5-6個小朋友一齊面試,我當然係最怕醜又唔出聲o個個啦,好彩都有做指定動作.結果要等通知,唔知有無機會呢?走出門口前,仲有氣球送給我添.

回家食小小野,媽媽整左通粉,不過太少啦,我食完仲想要喎...媽媽話無晒啦,要出街再食過.之後去啓思開放日,周圍玩玩玩...返去自己課室參觀下先,見到有自己的相貼璧佈,其中有一張戴帽戴太陽眼鏡bbq,好型喎~再去其他課室玩下勞作,有手錬,寶寶手册,旗仔,創意貼畫...玩完仲可以抽奬,仲有套文具送給我.爸爸宜家先來到,我又帶他去參觀,又玩車車,又玩滑梯...好玩呀!

回家休息一會,本來姨姨叫埋我地一齊去廸士尼玩,不過我又開始發燒,無得去玩lu.雖然我病病,但個人仲好生猛,爸媽只帶我去市中心逛逛.