欣・今日芷晴無退燒不特止,仲高燒左,中午開始唔肯食野,而且喊肚痛,又無厠所去,要求我幫她著片片.痛左幾次,又嘔埋添...我回想起上次入院時的情況,怕她d腸有事,想帶她去看醫生,但醫生放假喎...結果去荃灣港安醫院睇吧!我們坐的士去,緑的去唔到醫院門口,要轉紅的再去.全程芷晴無喊肚痛,仲訓着添,應該無咩事既,不過為放心起見,睇下醫生都無防.

睇完醫生後,都係話芷晴無咩特別事,不過發燒左3日,要食抗生素,4日藥要按時食晒囉.立刻同芷晴食d野再給她食藥水,食左藥都一直未退燒既,夜d再叫她起身再食藥.