欣・昨日芷晴食左2次藥都未退燒,成個人謝晒,晩上加張退熱貼,今朝終於退燒啦!不過一開聲就嚇死人,極似張栢芝,連她自己聽到都笑自己.今日無俾芷晴返學,honey放假照顧她,一切順利,但honey自己都病病地.食緊抗生素,芷晴一日痾5次,雖然痾多次,但她忍到的,唔會頼屎喎.

晩上校長打電話來,我還以為她緊張芷晴的病情,原來唔係喎,就連芷晴今日無返學都唔知添.校長係通知我布老師將會調去教高班,而曾主任會來小組班,與蘇老師一同任教.希望芷晴可以適應到新老師啦,因為她害怕陌生人的.