文章分類: 愛情 (文欣晴)

HOENY生日

alexlwm — Tue, 30 Sep 2008 15:15:04 +0800

文‧今天是honey的大日子，就是紀錄她又大一年的日子呀！因為芷晴的關係，我們什麼慶祝已經簡化了，只係出來食餐飯就算。今日也不例外，我放工第一時間去湊芷晴再去市中心既百佳咖啡，諗住坐住等honey，點知咁早去到都要等位，湊住芷晴想坐定定係度等位都幾難喇。唯有係附近行來行去啦。不過honey來到時我地已經入坐了。我們選了幾個菜，d野都幾好食，不過芷晴未停過攞野食姐，宜家同親芷晴去食飯都要預埋佢架，我地都好難慢慢享受呀！不過看住芷晴做好多古靈精怪的動作，我同honey都覺得係另一種享受！其實今天諗住去間好d既餐廳同honey慶祝的，不過成個屯門區除了黃金海岸外，係無一間似樣既餐廳，所以先來這間百佳，不過都好啦，d野食幾好，仲有一個超大份既甜品，大到連隔離枱都嘩嘩聲！honey，我代芷晴和自己同你講: 生日快樂，我愛你...^3^

好野，我都有套靘餐具！

媽媽生日，但係今日無同媽媽影相潻...

感動的便條

alexlwm — Sun, 27 Jul 2008 14:46:21 +0800

欣・我和honey完全無時間面對面坐低好好談話,因為忙於接班,只可以在電話傾下芷晴最新的情況.看了2晩夜,回家休息再繼續.一踏入屋企門口,就見到honey寫給我的便條,雖然短短幾隻字,但我一見到就忍唔住喊了.好眼訓好辛苦之餘,也好感動...

芷晴和爸爸媽媽都好倦喇！

隻手仔要插住喉吊鹽水

爸爸，我想出院呀！

拍拖7周年

alexlwm — Wed, 23 Jul 2008 13:38:22 +0800

文．今天是我和honey拍拖7周年的日子，時間超快，這樣就7年了。在這7年裡，我們由開始探索對方，了解對方，到結婚還生了芷晴，我們都經歷了不少階段，總括來講都是開心的。現在有了芷晴，我們的生活也大大不同，而且時間也不夠用，但我也會抽時間去享受二人世界，希望老了我和honey都會拖著手去拍拖！我的人生過了二份一了，餘下的半生，我非常希望honey和芷晴，我們一家三口會很快樂很開心地渡過！欣，我愛你；晴，我愛你！

喂！爸爸你有冇7年之癢呀！

食大餐

alexlwm — Fri, 23 May 2008 12:37:39 +0800

欣・今日這特別的日子,我交由honey安排去食餐好野.估唔到荃灣也找到間正野喎,地點位於大玻坊中.cafe的小店,裝修及枱櫈就好有歐陸式，地方細細,氣氛ok,價錢合理...好似賣廣告咁添.急急脚食過飽飽,才回家接芷晴,出去影張貼紙相.更估唔到的是,今次芷晴無訓着,仲望住鏡頭添,不過唔識笑.

又唔帶我去....

好可憐呀！

新婚快樂

alexlwm — Fri, 23 May 2008 10:14:19 +0800

新婚快樂呀，見到這個post的朋友來祝福我們吧，今天是我和honey結婚四周年呀，我們的感情依然如新婚時一樣，我都係咁愛honey，honey又咁愛我，而且現在還多了得意可愛既芷晴這個心肝寶貝，我們的感情只有增冇減呢！我們好快樂呀........

偸閑拍拖

alexlwm — Mon, 12 May 2008 11:50:30 +0800

欣・今日係佛誕的公衆假期,只知道在長洲有搶包山的活動,但對於我地這日子無咩特別.婆婆今日比較得閑,可以放低芷晴俾她湊1日,我同honey就成機偸閑拍拖.本來想睇戲的,但無戲o岩睇,就決定坐車去圓方逛逛.嘩...那裏比以前廸生變得很多,有戲院,有溜冰場,仲有很多名店.同我昨日去outlet剛剛相反,d野貴到飛起...只可看無得買添.結果我地行左1個圏後,就轉去旺角逛,都係旺角才係我地有野行的地方.最後買了2隻公仔俾芷晴玩,都叫做有收穫呀!返到沙田在acl買左部dvd機,諗住放在房中播放bb看的dvd給芷晴觀看及收聽,$200有找喎,好抵呀!

做乜賴低我喎

唔好去咁耐呀！

元宵

alexlwm — Thu, 21 Feb 2008 10:49:02 +0800

欣・芷晴出左世後,第一個過的元宵節,原來同以前的真係好唔同.因為我要ot,返到屋企都已經8點幾,honey在女麻女麻度食完飯後接埋芷晴回來.我才自己一個人食外賣,honey又要做家務...好平淡的過了一日,連花燈都無去睇過,又無得撑枱脚食下飯.

任務完成

alexlwm — Fri, 25 Jan 2008 13:41:30 +0800

自從認識honey冇耐，便知道她很喜歡聽電台節目瘋show快活人，尤其喜歡梁思浩，有時honey聽到d特別野或好笑既野都會打給我，同我一齊分享的。這個節目逢星期五有一個點唱環節，因此honey叫我點唱給她聽，但我係公司唔多方便，所以一直都沒做到，直到一天，這是重要的一天，就是我向honey求婚那次。honey雖然應承了我，但再次提出要我點唱成功先嫁給我。我嘗試fax和email了幾次，但最終到我們結了婚，還沒有讀出我的點唱(好彩honey冇悔婚姐，哈哈)。就這樣到了honey懷了孕到生了芷晴，她也提了我幾次點唱給她聽，但我試過了，仍是失敗。直到今天，我又fax上電台，終於......係貴花田口中讀出了我的點唱，雖然不是什麼了不起的事，但我很感動，因為我應承honey的事，終於幾年後完成了，不知道honey聽到時有什麼感受呢？

奇異恩典

alexlwm — Tue, 13 Nov 2007 12:47:46 +0800

欣・芷晴出左世之後,今日我們是第一次拍拖去睇電影.是關我們己有一張換票証,所以只需買多一張票就可以兩個人睇=買一送一今日星期二仲係平票日,只係$40,而且今日係最後一天做夜場,明天只有下午場,唔睇的話就無得睇啦.

本以為是一齣福音電影,印象中影評話係講一個真人真事及説有關推翻奴隷交易的故事.睇完後,無想象中咁好睇,樣樣都帶過就算.福音唔關事,只是因為英國是基督教國家,愛情未去到刻骨銘心,推翻奴隷交易又講得唔詳盡,不過可能時間關係,套戲已做了2個鐘,總結個故事尚算完整.

hello，我係明天既芷晴呀

計劃去旅行

alexlwm — Sun, 07 Oct 2007 14:33:41 +0800

欣・honey知道我好想去旅行,所以計劃一下放低芷晴幾晩在婆婆度,等凱儀放假湊番表姐時,可以只湊芷晴一個會輕鬆d.仲只計劃3天行程,好過無啦,點之當我同亜媽提出放低芷晴幾天俾她時,她的反應非常大.o下...要湊2個?凱儀又話去旅行喎...咁我問凱儀幾時去呀,她就話11月.我回答她話計劃緊姐,未定幾時,會就番凱儀放假既.真係無諗過亜媽會有咁大反應,之前仲話湊晒2個bb都無問題,叫我唔好俾奶奶湊,現在只是叫她凑2-3日姐,又話無心理準備.我現在咪同你商量下囉,唔通表姐真係咁難攪?嚇怕了婆婆?

表姐好似得意過我呀，唔制呀！

國慶煙花

alexlwm — Mon, 01 Oct 2007 15:42:30 +0800

欣・除了去旅行,我最鍾意就係去現場睇煙花.看着大大的煙花在天上高高爆放,色彩繽紛,五光十色非常美麗,仲要聽到身邊的人叫喊,嘩...嘩...嘩...正!拍拖的時候,年初二的煙花節目是我們必去的地方.反而國慶煙花就無去睇過,因為去了旅行,無機會欣賞.有了芷晴後,唔可以去人多的地方,只可以在電視機前觀賞.雖然看電視可以看晒全景,但都不及現場睇咁好睇,無辧法啦,等芷晴大個d先一齊去睇啦.嫲嫲飲茶時同我合照

生日

alexlwm — Sun, 30 Sep 2007 12:02:33 +0800

欣・今年係我第2次同芷晴一起慶祝生日,上年在肚中,今年就出左世,要帶她一起出去慶祝.未有芷晴時,年年我都同honey去旅行,因為我好鍾意去旅行的関係,又連住國慶同星期六日幾日紅色假期.不過自從有了芷晴後到現在都未去過旅行了,有時去到機場見到d人好開心時,我就心養養,好痕呀...帶住芷晴唔可以遠行,惟有去黄金海岸酒店食tea buffet.

黃金海岸酒店內的中秋佈置

唔好咁大力呀！

M碼

alexlwm — Mon, 24 Sep 2007 12:42:49 +0800

欣・睇番以前honey幫我影d靚相,當時我好瘦,只是穿細碼衫,有時細碼都有大的,體重從來不超過100磅.現在生完bb後,未瘦回原本磅數不特止仲比以前重左十幾磅,所以現在買衫都要買中碼,褲就要買橡根褲頭.雖然湊住bb無時間做運動,其實我對我自己的體重唔係太緊張,不過honey成日厭我肥.又話我個肚腩一節節,他也有大肚腩啦,仲成日俾人笑他要買過晒d衫添,但我仍然咁愛他...的大肚腩.中年發福一定有o架啦,最緊要身體健康o者.

結婚周年

alexlwm — Wed, 23 May 2007 21:21:52 +0800

今天是我和honey結婚三周年，而且是特別的一年，因為我們家中多了一位新成員---盧芷晴。可惜honey還在坐月中，我們不可大肇慶祝，只去了附近的金莎日西餐廳食飯。

(閱讀全文)

心痛

alexlwm — Thu, 01 Mar 2007 13:57:35 +0800

昨晚睡覺中，突然聽見honey在嚎哭，我立刻清醒了。我見honey不停哭，問她什麼事她又不出聲，令我很擔心，我唯一做的是陪伴她，待會honey情緒綬和了，我才放心些。原來懷孕晚期的honey情緒真的會容易低落，可能這幾天因為賣樓的事，大家都有壓力，還有兩個月芷晴便出世，honey還要辛苦多一段時間，我會陪honey一同面對所有的困難去迎接我們新的人生。