文章分類: 生活記錄 (文欣晴)

2012

alexlwm — Sat, 14 Nov 2009 15:10:55 +0800

欣・星期六放低芷晴俾女麻女麻湊多日,同honey去拍拖睇戲.有新戲上,又好想睇,因為齣戲太長,平日偸唔到時間去睇,唯有叫女麻女麻湊多日啦,辛苦晒...

齣戲都好緊張,不過唔係講d咩預言,集中講d人點樣在最後關頭上船及用辧法脱險,都算好睇,但有d勉強囉.睇完剛剛好,回去接芷晴先,順便拎d冬季衫出來看看.跟住一齊去翠華食飯,當然要叫出晒名好味的奶油豬仔包及我至愛的熱奶茶啦!正!!!

黒色星期五

alexlwm — Fri, 13 Nov 2009 14:47:06 +0800

欣・今日無咩特別黒仔,反而好好彩見到上海婆婆唔洗等位喎,一於食啦!我從未食過,好想試下,叫左幾個食住先.賣相幾好,味道雖然好味,但我覺得太咸啦,可能味道太濃烈...食飽飽先回去接芷晴回家.

病假

alexlwm — Fri, 06 Nov 2009 11:41:53 +0800

欣・自問本人身體都相當好,不過今次真係...打敗仗.同芷晴返學校之後,雖然我今日已經無發燒,但都係放下病假,回家食藥繼續休息,點之我一睡不起,真係好嚴重喎.

輪到我病

alexlwm — Thu, 05 Nov 2009 11:19:50 +0800

欣・芷晴今日2歳半啦!她食埋今朝的藥水就食完晒了,一切順利又無再發燒,只是咳同有痰.不過就輪到我喉嚨痛,而且開始有發燒,放工立刻去睇醫生.之後順便回娘家食飯,今晩竟然係食打邊爐,仲用個新電鍋,不過個鍋好奇怪架...中途會暫停,唔會大滾,最好用來番熱食物.

信和蛋糕班

alexlwm — Thu, 29 Oct 2009 10:46:51 +0800

欣・某日我落公司樓下的時候,右眼角突然見到d野...蛋糕製作室.咩黎架??停下看看通告,原來有筍野~信和竟然開蛋糕班,仲去皇家太平洋酒店内教授及製作,而且有車接送,只是回程自理,最重要的係費用全免,人數預計30位,如果人多就要抽籤.嘩!唔洗錢,報名先啦...

之後有通知可以參加蛋糕班,雖然我唔知會整咩蛋糕,但唔洗錢喎,唔好咁多要求啦...好期待啊!約埋隔離同事放工6點一齊出發lu~去到酒店上堂的地方,好興奮,好開心又好緊張...在枱上見到材料及note,原來今堂係整緑茶紅豆慕絲蛋糕.好野!未整過的.

導師講得好快,製作又做得好快,好似好簡單咁,不過張枱好似打完仗囉.蛋糕寫完名後,攞去雪柜等凝固,等候的時間,酒店仲準備左cookie及橙汁給大家享用.實在又細心又周到,在椅上休息坐坐.最後做埋蛋糕裝飾,有蛋糕盒可以取走添,又食又拎又唔洗錢,正!

又坐船船

alexlwm — Sun, 02 Aug 2009 10:42:46 +0800

美心皇宮d野食真係好美d

Hello，媽媽陪我坐船船

咁快完喇....

EE叫我飲曬珈珈D果汁喎...

我聽曬佢話

自我間離

alexlwm — Tue, 26 May 2009 16:03:33 +0800

欣・要返工啦!無返幾日公司,第一時間要處理好工作事務,再處理埋自己的事件.昨晩才途經機場返香港,為安全起見,戴番個口罩出街,保障一下d同事及巴士上的乘客.雖然我未有唔舒服及病症,但怕在這期間有機會傳播...安全d好d.就連家人及朋友,都要等我自我間離7天後,才會面吧!請忍耐一下...

香港首宗豬流感

alexlwm — Sat, 02 May 2009 15:50:09 +0800

一名墨西哥男子前日抵達香港後，晚上發病，昨晚確診感染豬流感，情況穩定。患者下榻灣仔維景酒店， 230名住客、訪客及 100名職員被隔離七天觀察。全港即時進入流感大流行「緊急」狀態，由行政長官親自掛帥抗疫。政府現正全力追蹤潛在病人，包括墨西哥人同機乘客，以及兩名曾接載之的士司機。

蛋糕班4

alexlwm — Thu, 30 Apr 2009 12:51:37 +0800

欣・最後一堂的蛋糕班,整左2款蛋糕,士多啤梨拿破崙+藍莓芝士蛋糕.今堂只得11位同學仔上堂,大家分工合作,好好玩...最重要就係識到d同學仔,大家交換e-mail聯絡,話下次如果有蛋糕班報名,自己可以組班學整蛋糕.

放學攞埋個士多啤梨拿破崙去女麻女麻屋企,各人分左小小來食,他們都話好味喎,梗係啦...少食多滋味嘛.

文：咁細，邊夠我食呀！

火星人

alexlwm — Fri, 24 Apr 2009 13:03:52 +0800

糊塗戲班集結年青班底，清新脫俗之作。

電台節目人氣廣播劇改編。

2006秋。為愛而生的火星人真實生活札記在網路上流傳起來。
2007夏。喜、怒、憂、懼、愛、惡、欲片段湊集成網路小說。
2008冬。深情文字化成聲音真愛無界於大氣電波中廣播。
2009春。冬日浪漫戀之留聲化成璀璨畫面於香港大會堂上演。

由一個男孩子的同性暗戀浪漫故事開始，我們透過他的café，他的生活，認識他的朋友，進入一顆又一顆火星人的心，細味一個又一個地球人未能包容的愛情故事。

你會發現：那所謂不同的愛，最後還是一樣的愛。

地球人跟火星人，同樣是人。

編劇：莎拉
導演：阿寶

主要演員：
陳志健（香港先生2006健力組冠軍）
駱振偉（英皇新秀2007冠軍）
蔣祖曼（電影《蝴蝶》．《戀人路上》帥氣新星）
陳力深
關逸揚
賴芸芬
周寶霖
孫慧雪
陳積榮
林鎮威
傅蕊雯
梁嘉進
余敏聰

蛋糕班3

alexlwm — Thu, 23 Apr 2009 13:42:01 +0800

欣・今晩已經上第3堂的蛋糕班,學左2款蛋糕(日本緑茶蛋糕+芒果慕絲忌廉蛋糕),我才發覺我自己原來對忌廉真的不是味兒.平時當我食生日蛋糕時,也會將忌廉放埋一邊,而且會唔食仲要棄走去垃圾桶.當自己做的蛋糕有忌廉,試食時勉強呑下,真的想嘔...我還是喜歡不太濃的芝士蛋糕或是浄蛋糕,提子蛋糕,蒸糕...一定無忌廉的.

蛋糕師傅一早已問定我們會否報讀下一個芝士蛋糕班,我對他的教學方法...真是麻麻地,又唔係一人整一個蛋糕.而且我又怕d芝士好濃烈味道...受不了,應該唔會繼續報讀啦.

文：我都唔鍾意忌廉，汽水例外

整頭髮

alexlwm — Tue, 21 Apr 2009 14:06:15 +0800

欣・今日約埋kimmy一起去做負離子,記得上次整頭髮係上年的7月,剛剛整好回家時,芷晴就嘔到七彩,病發到要入院添...拖左成個月,入埋私家醫院才無事炸,成年無整過啦,再整都戰戰競競.

今次這間salon是有人介紹的,果然好快!2個鐘整好走得,用左2個人吹頭及用2個人夾頭髮,真的快好多,而且洗頭助手全部唔係中國人,好似去左皇后像公園内...好奇怪咁,不過做得ok喎,唔怪得咁好生意,平日都坐到出門口呀,旺!

媽媽幾時我整負離子呀？

看更

alexlwm — Fri, 17 Apr 2009 13:06:01 +0800

欣・好耐都無睇過戲啦,舞台劇就更加耐無睇過...因為今次買2場有8折的關係,所以買左今晩票睇《看更》,主角係魯文傑自編自導自演的,仲有湯盈盈首次走上舞台.在大會堂觀看完,返到屯門已經差不多11點,不過芷晴在女麻女麻度還未訓喎,夜晩都要抱走她回家.

看更阿當立誓要「打好呢份工」，但係佢性格懦弱、脾氣古怪、兼且頭頭踫着黑，以前份份工做唔長，所以雜碎經驗多籮籮：演藝界、醫學界、專欄作家、金融界、甚至考古發掘都有佢打滾腳印；佢夢想為一個成功人士，至少成為名厦看更！
面對各式人等，新朋友、舊同學、豔女、師奶……；每日呆坐十二粒鐘，呢個港產中男一夫當關，時不時使出渾身解數，確係奇妙事不斷有！

《看更》由糊塗戲班主辦，魯戲製作，魯文傑並邀得老友「李笑好」湯盈盈由公仔箱首次走上劇院，繼續「豁出去」，為觀眾帶來無盡驚喜！

演員：魯文傑，湯盈盈

劉浩翔，蘇育輝，林惠恩，郭穎東

我緊係等埋爸爸媽媽返來先訓啦

蛋糕班2

alexlwm — Thu, 16 Apr 2009 16:05:37 +0800

欣・上星期的蛋糕班真的感到好失望,整左黒森林及栗子蛋糕,但兩個都好難食,製作過程又好亂,而且仲要落手攪d材料...不過今晩上的蛋糕班竟然喜出望外,整了提子蛋糕及雲石芝士蛋糕,兩個都好好味,仲可以同其他同學仔有d交流,有講有笑,又講番上次個蛋糕極之難食等等.

攞左個芝士蛋糕番屋企,honey同芷晴都食到咀舔舔,我諗我之後可以整番到一模一樣吧!希望成功啦...

賣相同味道都唔錯，加油呀....

明愛蛋糕班

alexlwm — Thu, 09 Apr 2009 16:39:52 +0800

欣・早前行街收到單張,係明愛夜校課程資料,本來想放埋一邊可不理會,點之比我發現有蛋糕班學,仲要在女麻女麻屋企樓下上堂.屯門對我來説都幾陌生,除左常去的地方(市中心,新墟)外,其他一d都唔熟,今次上堂地點竟然係我成日去接芷晴經過的地方,當然唔可以放過這個機會啦.去到中心報名的時候,但我想報的蛋糕班無人報名,開唔成班...唯有報另一班上堂.

今晩就要上第一堂,好緊張呀...但比我想像中差,個蛋糕師傅好cool,又唔係一人一個自己整蛋糕.大家一齊整晒咁多個,仲分d上堂一齊食,最後都有一個迷你蛋糕攞走的.