文章分類: 朋友家人 (文欣晴)

去黏餐

alexlwm — Fri, 23 Oct 2009 12:39:55 +0800

欣・放工去接芷晴走,不過唔係去女麻女麻屋企,係去諾諾個婆婆屋企.剛剛開始食飯,我地又未食飯,婆婆又話有送有飯又有湯,食埋先走.地方唔大,又唔熟識環境,古古怪怪,周身唔自然...趕快食完就走吧!

最特別就係見到飛飛坐緊的bb椅,好得意既?原來係諾諾個公公自己整架,勁呀!公公又唔食飯咁奇怪?同芷晴個公公一樣咁古怪...

處女下水

alexlwm — Sat, 11 Jul 2009 15:56:14 +0800

欣・早上honey煮通粉,跟住準備去帝都酒店check-in,今次的入住主要係公司上的安排,因為要方便我去招待老細及晩上的飲宴.難得住酒店,立即帯芷晴去泳池玩玩,好彩芷晴都肯玩下水.之後同老細他們一起去食下午餐,再上房換衫化粧,準備就緒.好急趕地安排好晒d野,約埋一齊,出發囉...留低honey同芷晴兩父女在酒店,他們仲去行街街添.

去到婚禮現場,只得幾張枱,男家主要係自己公司的人,女家親戚又唔多,所以好似我地包場玩晒.開席前註册,我仲走去前面勁影相,影到無記憶卡用添.場面感動又興奮,太子爺同公司員工撘上,結婚派貼才公報天下,女方得到手,男方從此被困.希望他們白頭到老,永結同心,開支散葉,三年抱兩,幸福快樂...

最特別的是在場竟然遇見舊同事,她已經無做野,專心湊女做家庭主婦,囡囡都讀中二啦.等到最後,埋完單後同對新人一齊行返回酒店,芷晴已經訓着了.我可以放心休息,honey仲睇電視,又係做緊哈利波特.

好大張彈床呀

我套泳裝唔差掛？

呀，爸爸唔見左對腳既？

挪亜方舟

alexlwm — Wed, 01 Jul 2009 11:57:54 +0800

晴・同女麻女麻飲完茶後,就同哥哥一起出發去馬灣的挪亜方舟.嘩!好多人又好熱呀...快d入場吧...

首先上2樓的珍愛地球館,小朋友可手持張passport,這層毎個館如果答對問題答案,就有一個印印,全部蓋晒就有小禮物送添.不過我太細啦,唔識講野,又唔見左張passport,所以無得玩.我只顧周圍玩,同攪攪震...

跟住去餐廳食飯,嘩!超多人呀!連位都無一張多,好彩女麻女麻醒目,幫我地找到張大枱.坐好食飽飽後,再去1樓的生命教育館,好多人排隊喎...入面很多活動玩,但毎種活動都各自再排隊.媽媽要去厠所,但這層是沒有洗手間的,要出去上一層or落一層.女麻女麻悶到訓着左,我地就齊齊静雞雞走出館外,去玩其他館先,再返來玩過.

然後去了地下的多媒體博覽館排隊,不過女麻女麻唔跟我地去,坐旅遊巴返屋企先.裏面原來有很多野睇,好似太空館/科學館咁多野玩,仲有真的動物,又有4d影院...玩完就去方舟花園,同d假動物影下相先,不過好曬啊!坐低飲下野先,休息一會再返1樓的生命教育館排隊玩其他野.

由於d人走得7788,少左人排隊,快左又玩多左野.玩cake一cake,整毛巾蛋糕.玩大難淋頭,我坐埋去已經驚到要走,要媽媽捉住我坐.爸爸仲好勇添,唔洗穿雨衣就入去拉掣,心口有個勇字,結果當然淋濕晒啦...再玩救生縄,他們戴住眼罩,無穿鞋及襪(赤脚)玩的,但我同飛飛哥哥就拖住媽媽照行,當然不用戴眼罩啦...又刺激又好玩,正!哥哥仲在走之前,用臘筆在脚上畫閃電,幾型~

出發喇.....

今日好熱呀，好彩我地入室內玩咋.........

有乜好笑姐？

又冇爸爸份既？

爸爸，有冇人捐血比我呀？

媽媽原來叫jenny呀

爸爸好搞笑

好驚呀.....

我都好得人驚架！

雨後晴空慈善音樂會

alexlwm — Sat, 27 Jun 2009 11:39:39 +0800

欣・早上同honey飲茶後,在百佳買牛油回家,準備整cookie.雖然係第一次整,但都算成功既,不過好似怪怪地...趕快收拾地方,送芷晴去女麻女麻屋企,再約埋alan+諾諾一齊出發去荃灣大會堂.

在輕鐵站已相遇,依...諾諾7歳(68磅)啦,點解要爸爸抱既??再看清楚...原來諾諾兩隻脚都要包左跌打藥(兩脚跛了,唔行得住),咁就辛苦了他爸爸,仲要帶他出街.事原係一早去踏單車,點知一起歩就...跌倒,扭親要去睇跌打,另一隻脚有舊傷未整,順便整埋,結果諾諾變左跛脚仔一日.

因為要抱住諾諾,唔好行咁遠,在荃灣廣場找間餐廳,快快食過晩飯就行去睇show.找到間名叫石燒的日式餐廳,位於味千拉麵間離門口.不過裏面的工作人員的名牌上有味千拉麵的logo,應該係同一集團的食肆.order左3個飯麵及小食,share食應該無間題既,但alan唔食芝士,所以專登找menu無芝士既先落order.遲遲未有野來食,只來了飲品,追問下,原來miss左order.之後仲大件事,honey叫那個飯有芝士在飯面,立刻要攞走(遠離alan面前)及快快給我地3人食晒先.等到其他野全部到晒,但還欠1個飯未來喎...7點鐘啦,如果又漏order就除消啦,但又有喎~一來到,放在枱面,大鍋...又有芝士??點食呀?又趕時間...結果要除消order及埋單,多謝$320,但食唔飽又一肚氣.個女經理好無奈地除消order及講唔好意思,仲在人客面前大聲地責罵員工添.我在前走先,個女經理都有再講唔好意思,honey在後面,話女經理竟然講d咁既説話?我追問講咩呀?他話叫我地趕時間就早d來食飯喎,我地已經6點坐低,只有幾張枱,係他們漏order先遲來,食唔切又攪錯野...

快快趕去荃灣大會堂,會合carmen後,再等入場欣賞吧!全場的高潮係黄醫生的唱歌表演,仲有自制埋音樂mtv,正!正!正!仲有朱醫生及另一中醫師的mc表演,扮廣告的演出相當出色.其後有只用口的聲音演奏及唱歌,真係嘆為觀止.反而壓軸表演的張崇徳就普普通通,ok啦!

主辧機構:光愛中心~為情緒健康服務籌募經費,宣揚情緒健康信息,將會在7月29日有賣旗活動,請大家多多支持.

我唔怕你架！

諾諾雙腳都包左鐵打呀....

睇下幾投入

shakey's pizza

alexlwm — Wed, 27 May 2009 16:25:44 +0800

欣・放工各自去屯門市廣場食飯做節,honey話8:00去上海婆婆,我7點幾去到門口勁多人,又見唔到他們有人在等位?再問honey攞位未?幾多位?他仲叫我攞票等住先,等等下,唔對路...未有人來既?honey又話自己到左門口,唔見既??究竟去邊度食呀?原來改左去食pizza又唔出聲,落番2層去pizza hut,無既??又話去新個間喎...玩野咩,明知我唔識路仲點生哂...原來去shakey's pizza,這間餐廳無人等位既?連附近的元緑壽司都要等位,但這裏就大把位,d食物都好食喎,不過好飽...好飽呀!

好野，又有好野食

哥哥真係好為食，冇D儀態

女麻女麻要加班

alexlwm — Sat, 16 May 2009 15:03:43 +0800

欣・要準備去日本旅行執行李,咁橋女麻女麻自動獻身,話無野做喎,咁我地就放低芷晴給她湊多一日.但芷晴唔肯跟女麻女麻,要同我地出街添,女麻女麻唯有出餅餅來給她食食食.

芷晴最鍾意有樣學樣，不過唔多似喎

影樓自由行

alexlwm — Sun, 03 May 2009 16:33:27 +0800

晴・今朝爸媽帶我去屯門展銷會,位於屯門擺年宵的天后空地前,都有野買到...菜肉包2個.露天地方,天氣好熱又曬,快快走吧!行去友愛公園玩下滑梯先,再去珊瑚堡食lunch,羅宋湯内有隻昆蟲...無下次啦!咪攪...咁dirty既.

回家休息,換衫準備去影樓影相,等埋peter哥哥來到,好驚呀!好驚呀...!影樓就在屋企附近,好方便喎,爸爸自己影番,我只顧攞玩具玩.姨姨,姨丈同珈珈又來同我一齊影,諾諾,飛飛同嬸嬸也來攪攪震,飛飛仲整爛人地張紙添,好彩唔洗俾人罰錢.

玩足3個鐘,影左600幾張相,不過唔知有幾多張靚相呢?晩上去卓爾居酒樓食飯,點解日式餐牌??要問幾次才攞到中菜紙.食飽飽後,回程我已經訓着左,玩左成日,好倦呀!

女麻女麻生日

alexlwm — Mon, 27 Apr 2009 17:04:21 +0800

晴・女麻女麻生日呀!叔叔同爸爸都請左假,叫埋媽媽早d放工,約埋一齊北上食飯.架巴士咁耐既?媽媽同我都係第一次經深圳灣口岸過關,少人好多喎,到左就坐的士去商場shopping.又有吉之島既?爸爸仲買左個海豚不倒翁給我添,再行去食buffet,嘩...好大呀!行到好倦喎,食物都ok,女麻女麻仲有半價,因為60歳有長者優惠,都抵啦!

嫲嫲超型呀

嫲嫲同我地一齊就最開心

奧運個個唔知乜鼓

我鍾意呀

爸爸快d去攞野食啦，我肚餓呀

大舅公

alexlwm — Tue, 27 Jan 2009 16:49:47 +0800

晴・年初二女麻女麻會去舅公屋企拜年,我們晏小小相約大叔一家人一齊去.去到非常熱鬧,舅婆仲煮好多好野食給我地食添,好好味架...坐一會後,就跟爸媽回家食飯再休息一下.爸爸話這幾晩好夜才回到屋企,今晩要早d回去,因為天氣好濕,唔會去看煙花,今年要坐在家中觀看了.

好緊張呀...好快見到錫我的親戚

我會唔會好受歡迎呢？好緊張呀.....

三兄妹影張應節相先

點少得爸爸媽媽架！

返到屋企輕鬆曬喇.....

年初一

alexlwm — Mon, 26 Jan 2009 16:28:19 +0800

晴・大年初一早去同女麻女麻飲茶拜年,再去天水圍探伯婆,未去到已見到伯婆的叔叔及嬸嬸也到來.我們一同去兆康站附近的茶餐廳食lunch,我見到他們又係怕醜唔出聲,要去到他們屋企玩一陣才識活躍起來.坐一會後,要去婆婆屋企,諗住有車坐,但姑媽話附近無喎...要在大纜隧道轉車,但等左好耐架巴士飛站又企滿人,結果爸媽坐車去荃灣再轉車啦.明明附近有車去,但唔識路,又要左轉右轉,新年行大運.

去到婆婆屋企,馬鞍山的姨婆一家已到,但表舅父及表姨留低同我們一起食飯.婆婆去美心攞左個大盆菜回來,嘩...好大個盆菜,多到食唔晒添.

祝大家新年快樂，身體健康，心想事成

嘻嘻，婆婆快d比利是我...

咁大盆，點食得曬喎！

同表e影張相先！

牛年爸爸媽媽會唔會生個牛仔同我玩呢？

元朗年宵

alexlwm — Sun, 25 Jan 2009 16:21:59 +0800

欣・年三十早上女麻女麻約我地去飲茶,晩上約埋諾諾一家又去女麻女麻屋企食埋飯.食完飯我地一同去元朗行花市,嘩...好多人吓喎,但未需要排長龍,個場大過屯門好多,都買到小小野,芷晴都玩得好開心.

爸爸幫我影左幾張近照比大家睇下我幾肥

一肚氣

alexlwm — Sat, 24 Jan 2009 15:49:19 +0800

欣・年廿九晩milk約左我地一齊出去食團年飯,只在sms留言去銅鑼灣有骨氣.我心目中知道近灣仔有一間,銅鑼灣就唔清楚有無.坐巴士去到灣仔時,milk話他已在銅鑼灣廣場.唔通銅鑼灣廣場有分店??同一時間peter又話已到銅鑼灣廣場,咁我地咪要行好遠?抱住芷晴行咁遠,不如坐叮叮啦...坐叮叮去到銅鑼灣廣場,peter又打來話我地行過龍,要行出去行車線位出邊,邊行邊望都唔見有招牌.唯有行出海邊出去,行行下去到我所指那間有骨氣,再問之下話去2樓,但去到2樓未有人坐,返落1樓又唔見人.原來這間有骨氣係跑馬地分店,吓...這裏係跑馬地咩?又要行返去鵝頸橋那邊附近,叫peter出來接我地,點之又話在銅鑼灣廣場等,唔係化...之前又話行過龍,又去銅鑼灣廣場??抱住芷晴仲要再行返轉頭,咁相約peter去時代廣場等.帶我們行去好隱閉的地方,唔知點解會選這間食市,山長水遠,honey話唔係有骨氣,係好谷氣喎.

食完飯後,約埋jimmy出來行花市,嘩...好多人呀...得個行字,買唔到野既,只見到d人攞住吹氣雞蛋仔,仲有個大紙袋添,好得意呀!又夜啦,芷晴要訓覺喎,所以急急回家休息.

今日好凍呀，要著多d衫喇

睇下我肥左幾多

爸爸話咁遠來到打邊爐，都係得d cheap野食咋...

dr.kong

alexlwm — Fri, 23 Jan 2009 15:36:03 +0800

欣・今晩放工後,急急去美心換年糕,點之去到荃灣無得換,唯有番到屯門至換.仲call埋honey帶芷晴出來去dr.kong試上次留左個對鞋,對鞋大左小小,仲係display,不過半價喎...好快又唔o岩著既,忍唔住手照買.買完野番去諾諾屋企食飯,再出去市中心影貼紙相留念.

嫲嫲買比我套新衫呀，第一時間著住先

年廿七

alexlwm — Thu, 22 Jan 2009 12:19:00 +0800

晴・毎年的今日係婆婆生日+食團年飯的日子,今晩也不例外.爸爸開始放假,仲帶我去婆婆屋企先,可以同珈珈玩耐d,yeah...

晩上等埋媽媽放工回家,才一齊出去食飯,去到酒樓仲見到舅父及舅母添,而且舅母個肚凸凸,應該就快又有bb同我玩啦.

爸爸放低我自己出去行街街，好彩有bearbear陪我咋

仲有車厘子食天

病病

alexlwm — Sun, 18 Jan 2009 10:53:09 +0800

欣・昨日玩完船仔已經覺得唔舒服,周身骨痛又好倦,回家前已飲左碗感冒茶.honey仲做晒d家務,叫我早d沖涼休息,好好休息一晩.

醒來已無骨痛,但都好倦囉...我們一家三口去了佳餚飲茶,再帶芷晴去dr.kong試鞋,然後去屈臣氏買賀年糖果,才回家再休息一下.晩上honey仲親自煮意粉給我同芷晴食添,好好味架,正!

我好鍾意係後面條橋跑來跑去，好好玩架...

個頭都唔靚既....

都係呢個髮型先啱我....